Құс сияқты сезінбейтін қанатын<br/>
Бақыт — сәби білмейтұғын әлі атын.<br/>
Бақыт! Бақыт — ғажайып бір дәм ғана<br/>
Сүйгеннен соң ерініңде қалатын!<br/>
Бір құдірет бізді өмірге жолдайды.<br/>
Біз өмірді түсінбейміз,<br/>
Сол — қайғы.<br/>
Туа сала таудай бақыт күтеміз,<br/>
Ал шынында бақыт үлкен болмайды.<br/>
Бақыт үлкен болған емес шынында,<br/>
Ал қайғының кішкентайы болмайды!<br/>
Лүпілдеген тамырындай шекенің<br/>
Жеке сағат,<br/>
Жеке тәулік,<br/>
Жеке күн.